Ish-basketbollisti i Trepçës, Andrew Gordon iu është bashkuar KB Vëllaznimit.

Lajmin e ka bërë të ditur klubi gjakovar përmes një postimi në rrjetin social Facebook, shkruan Arbresh.info.

Ai luan në pozicionin e qendrës dhe është i gjatë 207 cm.

Me Trepçën ai ka luajtur dy sezone, ku ka fituar dy Kupa të Kosovës, Superkupën e Ligës Unike, si dhe ka qenë dy herë finalist i Superligës së Kosovës.

Me përvojën e tij në elitë do të mundohet ta ndihmojë Vëllaznimin në arritjen e objektivave këtë sezon. Ai shquhet për ngulitjet e tij atraktive si dhe bllokadat e shumta në mbrojtje.

Përveç në Mitrovicë, qendra amerikane ka karrierë edhe në Bullgari, Uruguai dhe së fundmi në Britani të madhe me Caledonia Gladiators.

Gjithashtu ai ka qenë pjesë e disa kolegjeve si West Virginia Mountaineers dhe Louisiana Tech Bulldogs./Arbresh.info.